Novum Testamentum Graece et Latine [antikvár]

PRAEFATIO IN EDITIONEM GRAECAM-LATINAM Novum Testamentum graece et latine, ex quo anno 1906 primum prodiit, 22 editionibus est diffusum, quarum praeterea nonnullae anastatice sunt impressae. Eberhardus Nestle tum temporis iuxta textum Graecum textum posuit Vulgatae Cle-mentinae, anno 1592 editae, atque in apparatu critico ea per-hibuit, quae in editione Sixtina (1590), in editionibus Words-worth-White, Lachmann (1842/50), Tischendorf (1854) necnon in Codice Amiatino (secundum editiones, quas Tischendorf et Tregelles curarunt) et in Codice Fuldensi (secundum editionem ab E. Ranke confectam) inde discrepabant. Id prorsus factum est, ut rerum status annis 1906 seu 1912 secum ferebat: etenim editio Clementina textum praebebat publice vigentem, magnae vero editionis criticae textus Hieronymiani, a Wordsworth-White concinnatae, tomus I, Evangelia complectens, praesto erat (editio minor anno 1911 prodiit); qui quidem textus erat complendus. Haec, quae nunc proponitur, nova editio ex alia rerum condicione est progressa. Editio enim Wordsworth-White anno 1954 est absoluta: I. Wordsworth, H. 1. White, H. F. D. Sparks, Novum Testamentum Domini nostri lesu Christi latine secundum editionem S. Hieronymi, Oxonii 1889-1954. Praeterea anno 1969 «Vulgata Stuttgartiensis» est foras data: Biblia Sacra iuxta Vulgatam versionem, adiuvantibus Bonifatio Fischer OSB, lohanne Gribomont OSB, H. F. D. Sparks, W. Thiele, recensuit et brevi apparatu instruxit Robertus Weber OSB, Stuttgart 21975. Ita factum est ut textus Hieronymianus duabus editionibus, ad criticam aetatis nostrae rationem confectis, praesto esset. Pro versione vero Sixtina-Clementina: